debyg i ddyn a'i bechod yn troi yn uffern iddo; ac ni chafodd Enid, er dewred oedd hi, awr o iechyd ar ôl y noson honno.
Unwaith bum yn hoff iawn o gŵn, ac yr oeddwn wedi tynnu cydnabyddiaeth â chrach foneddwr oedd yn awdurdod ar achau ciaidd. Dois adre'r tro cyntaf wedi bod "i lawr," sef yng Nghaer, yn dipyn o lanc. Gofynnais i hen fachgen o filwr, Sais wedi dysgu Cymraeg,—
"John Brown, pwy ydi tad y ci braf yna?"
"Wyt ti'n gwybod hen buwch moel Sian Sion?" gofynnai, trwy ei drwyn.
"Ydw." "Wel, nid honno."
Ni soniais i wrth neb am achau cwn wedyn.
BETH SYDD YNDDO?
ROEDD Hedd bach chwilfrydig yn crwydro ryw dro |