32[1] Yr Anthem Gyffredinol
77.77.
.
1 NEF a daear, tir a môr
Sydd yn datgan mawl ein Iôr:
Fynni dithau, f'enaid, fod
Yn y canol heb roi clod?
2 Gwena'r haul o'r cwmwl du,
Er mwyn dangos Duw i ni;
Dywaid sêr a lleuad dlos
Am ei fawredd yn y nos.
3 Gwellt y maes a dail y coed
Sy'n ei ganmol Ef erioed;
Popeth hardd o dan y nef,
Dyna waith ei fysedd Ef.
4 Cwyd aderyn bach o'i nyth,
Am fod Duw yn dirion byth;
Gwrendy'r corwynt ar ei lef,
Cerdda'r mellt ei lwybrau Ef.
5 Dywaid afon yn ei hiaith
Mai Efe sy'n trefnu'r daith;
Ac ni chyfyd ton o'r môr
Heb roi mawl i enw'r Iôr.
6 Rhyfedd wyt, O! Dduw, bob awr
Yn egluro d'allu mawr:
Wrth dy draed,
O! dysg i mi Beth wyf fi, a phwy wyt Ti.
J. NEANDER,
Cyf. H.Elvet Lewis (Elfed)
33[2] Aberth Mawl
77. 77. 77.
1 AM brydferthwch daear lawr,
Am brydferthwch rhod y nen,
Am y cariad rhad bob awr
Sydd o'n cylch ac uwch ein pen,
O! Dduw graslon, dygwn ni
Aberth mawl i'th enw Di.
