4. Yr Iawn a dalwyd ar y groes
Yw sylfaen f'enaid gwan ;
Wrth bwyso arno ddydd a nos
'R wy'n disgwyl dod i'r lan.
- 1-3. William Edwards, Bala
- 4. William Jones, Y Bala
116[1] Cadarn i Iacháu.
M. C.
1 OS ydwyf wael fy llun a'm lliw,
Os nad yw 'mriw'n gwellhau,
Af at y Meddyg mawr ei fri,
Sy'n gadarn i iacháu.
2 O'm pen i'm traed 'r wy'n glwyfus oll,
Pob archoll yn dyfnhau:
Neb ond y Meddyg da i mi,
Sy'n gadarn i iacháu.
3 Os wyf heb rym i ddim sy dda,
Dan bwys fy mhla'n llesgáu,
Rhydd Iesu gryfder i'r di-rym;
Mae'n gadarn i'm iacháu.
4 O ddydd i ddydd caf nerth i ddal;
Mae'i ras yn amalhau :
Am hyn, nid anobeithiaf ddim,
Mae'n gadarn i'm iacháu.
Ebenezer Thomas (Eben Fardd)
117[2] Crist Pen yr Eglwys.
M. C.
1 PAN sycho'r moroedd dyfnion maith,
A syrthio sêr y nen,
Oen Duw, a laddwyd ar y bryn,
Ar Seion fydd yn Ben.
2 Ei enw a bery tra fo haul,
Yn glodfawr byth y bydd;
Ac ni bydd diwedd ar ei glod
I dragwyddoldeb ddydd.