2 Fy enaid, cred byth yn dy Dduw,
Na fydd anfodlon tra fych byw;
Yr ydwyt beunydd yn nesáu
I wlad mae cariad fel y môr
Yn uno'r saint â'r nefol gôr—
Tragwyddol gytsain bur ddi—drai.
—William Williams, Pantycelyn
633[1] Canlyn y Bugail.
88. 88. D.
1 DILYNAF fy Mugail trwy f'oes,
Er amarch a gwradwydd y byd;
A dygaf ei ddirmyg a'i groes,
Gan dynnu i'r nefoedd o hyd ;
Mi rodiaf, trwy gymorth ei ras,
Y llwybyr a gerddodd Efe ;
Nid rhyfedd os gwawdir y gwas,
Cans gwawd gafodd Arglwydd y ne'.
2 Nid oes arnaf gwilydd o'i groes—
Ei groes yw fy nghoron o hyd :
Ei fywyd i'm gwared a roes
Fy Ngheidwad, a'm prynodd mor ddrud ;
Dioddefodd waradwydd a phoen,
A'r felltith ar Galfari fryn ;
F'anrhydedd yw canlyn yr Oen—
Yr Oen a ddioddefodd fel hyn!
634[2]
Diogelwch y Credadun.
88. 88. D.
ARHOSAF yng nghysgod fy Nuw— |