Prawfddarllenwyd y dudalen hon
"Y mae'n debyg eich bod yn iawn," meddai Nansi'n gyndyn.
Ni bu sôn rhyngddynt am y peth am beth amser ar ôl hyn, ond nid oedd Nansi wedi anghofio'r chwiorydd. Daliai i obeithio y deuai rhywbeth fyddai'n foddion i ddwyn iddynt eu rhan o'r eiddo.
"Os yw'r ewyllys wedi ei dinistrio, nid oes dim dycia i'w helpu," meddai wrthi ei hun yn boenus, "ond hyd yn oed pe bawn yn sicr o hynny, ni allaf ildio. Ac hyd byddaf yn sicr ni roddaf i fyny ychwaith." Sythodd yn benderfynol gan ddywedyd: "Mi fynnaf gael allan beth ddaeth o'r ewyllys rywfodd neu gilydd."
