Gwirwyd y dudalen hon
Mynd i'r ardd i dorri pwysi,
Pasio'r lafant, pasio'r lili,
Pasio bwns o rosys cochion—
Torri bwns o ddanadl poethion.
Ni chân cog ddim amser gaea',
Ni chân telyn heb ddim tanna',
Ni chân calon, hawdd ich wybod,
Pan fo galar ar ei gwaelod.
* * *
Mae 'nghalon i cyn drymed
A'r march sy'n dringo'r rhiw
Wrth geisio bod yn llawen—
Nis medraf yn fy myw.
Mae f'esgid fach yn gwasgu
Mewn man nas gwyddoch chwi,
A llawer gofìd meddwl
Sy'n torri 'nghalon i.
