Gwirwyd y dudalen hon
TYMER DDRWG
YSGYTIAI'R gwynt yr hen flwyddyn,
A hithau ar ben ei thaith,
Heb dannau tyn yn ei thelyn,
Heb gerpyn i guddio craith;
Ysgytiai'r gwynt yr hen flwyddyn—
A gwthiodd hi dros yr erchwyn
I gôl y gorffennol maith.
Ysgytiodd y flwyddyn newydd—
Yr oedd y rhod yn ddidrefn
Gan lygaid-dydd ar y gweunydd,
A baich o niwl ar eu cefn;
Ysgytiodd y flwyddyn newydd—
A rhuodd drwy frigau'r coedydd,
A sgytiodd y rhain drachefn.
Y BOTEL LAS[1]
HAF a'i sŵn sy'n dy rwnian—wybedyn,
Bydiwr o'r dom aflan;
Dwyn dy geg haint dan dy gân,
Was hyll,—o'r tŷ dos allan!
- ↑ Saesneg—bluebottle "pryfyn chwyth"
