Prawfddarllenwyd y dudalen hon
CLXXV. Y WYLAN.
Y WYLAN fach adnebydd
Pan fo'n gyfnewid tywydd;
Hi hed yn deg, ar aden wen,
O'r môr i ben ymynydd.
CLXXVI. FY NGHARIAD.
DACW 'nghariad ar y dyffryn,
Llygaid hwch a dannedd mochyn;
A dau droed fel gwadn arad,
Fel dyllhuan mae hi'n siarad.
CLXXVII. DAU DDEWR.
DAU lanc ifanc yn mynd i garu,
Ar noswaith dywell fel y fagddu;
Swn cacynen yn y rhedyn
A'u trodd nhw adre'n fawr eu dychryn.
CLXXVIII. LLANC.
MI briodaf heddyw yn ddi-nam,
Heb ddweyd un gair wrth nhad na mam.
CLXXIX. YMFFROST.CHWARELWR[1]
Chwarelwr oedd fy nhaid,
Chwarelwr oedd fy nhad;
Chwarelwr ydwyf finnau,
Y goreu yn y wlad;
Chwarelwr ydyw'r baban
Sy'n cysgu yn ei gryd,
Ond tydi o'n beth rhyfedd
Ein bod ni'n chwarelwyr i gyd?
- ↑ Dyweder "ffarmwr," "bugail," "glowr," "gweithiwr," &c., yn ol fel y bydd eisieu.
