Prawfddarllenwyd y dudalen hon
CLXXX. Y RHYBELWR BACH.[1]
RHYBELWR bychan ydwyf,
Yn gweithio hefo nhad,
Mi allaf drin y cerrig
Yn well na neb o'r wlad;
'Rwy'n medru naddu Princes,
Y Squares, a'r Counties bach,
Cyn hir caf finnau fargen,
Os byddaf byw ac iach.
CLXXXI. LLIFIO.
LLIFIO, llifio, llifio'n dynn,
Grot y dydd y flwyddyn hyn;
Os na lifiwn ni yn glau,
'Nillwn ni ddim grot yn dau.
CLXXXII. GOLCHI LLESTRI.
DORTI, Dorti, bara gwyn yn llosgi,
Dŵr ar y tân i olchi'r llestrI.
CLXXXIII. CAP.
MORUS y gwynt,
Ac Ifan y glaw,
Daflodd fy nghap
I ganol y baw.
- ↑ Un yn dysgu dod yn chwarelwr yw rhybelwr. Enwau ar lechau o wahanol faint yw Princes, Squares, a Counties.
