Prawfddarllenwyd y dudalen hon
CCXXXIX. ADERYN Y BWN.
ADERYN y bwn a bama,
A aeth i rodio'r gwylia,
Ac wrth ddod adra ar hyd y nos,
Fe syrthiodd i ffos y Wyddfa.
CCXL.TAITH.
MALI bach a finna,
Yn mynd i ffair y Bala;
Dod yn ol ar gefn y frân,
A phwys o wlan am ddima.
CCXLI. CYFOETH SHONI.
SHONI o Ben y Clogwyn
Yn berchen buwch a llo,
A gafar bach a mochyn,
A cheiliog,—go-go-go!
CCXLII. A DDOI DI?
A DDOI di, Mari anwyl,
I'r eglwys gyda mi?
Fy nghariad, a fy nghoron,
A'm calon ydwyt ti.
CCXLIII. GWLAN CWM DYLI.
FAINT ydyw gwlan y defaid breision,
Hob y deri dando,
Sydd yn pori yn sir Gaernarfon?
Dyna ganu eto.
"Ni gawn goron gron eleni,"—
Tewch, taid, tewch,—
"Am oreu gwlan yn holl Eryri. "
Hei ho! Hali ho!
Gwlan Cwm Dyli, dyma fo.
