Prawfddarllenwyd y dudalen hon
YR ENETH GA'DD EI
GWRTHOD.
Mesur Bugeilio'r Gwenith Gwyn.
AR lan 'rhen afon Ddyfrdwy ddofn
Eisteddai glân forwynig,
Gan ddystaw sisial wrthi ei hun-
Gadawyd fi yn unig;
Heb gâr na chyfaill 'fewn y byd,
Na chartref chwaith fyn'd iddo,
Drws tŷ fy nhad sydd wedi ei gloi,
'Rwy'n wrthodedig yno.
Mae bys gwaradwydd ar fy ol
Yn nodi fy ngwendidau,
A llanw 'mywyd wedi ei droi
A'i gladdu dan y tonau;
Ar allor chwant aberthwyd fi,
Do, collais fy morwyndod,
A dyna'r achos pa'm yr wyf
Fi heno wedi 'ngwrthod.