Wele'n sefyll rhwng y myrtwydd

Oddi ar Wicidestun
Gwelaf graig a'm deil mewn stormydd Wele'n sefyll rhwng y myrtwydd

gan Ann Griffiths

Peraidd ganodd sêr y bore
Blodau myrtwydd

195[1] Crist oll yn Hawddgar..
87. 87.47.

1 WELE'N sefyll rhwng y myrtwydd
Wrthrych teilwng o'm holl fryd:
Er mai o ran yr wy'n adnabod
Ei fod uwchlaw gwrthrychau'r byd:
Henffych fore
Y caf ei weled fel y mae.

2 Rhosyn Saron yw ei enw,
Gwyn a gwridog, teg o bryd;
Ar ddeng mil y mae'n rhagori
O wrthrychau penna'r byd:
Ffrind pechadur,
Dyma'r llywydd ar y môr.

3 Beth sydd imi mwy a wnelwyf
Ag eilunod gwael y llawr?
Tystio'r wyf nad yw eu cwmni
I'w gystadlu â'm Iesu mawr :
O! am aros
Yn ei gariad ddyddiau f'oes.

Ann Griffiths

Ffynhonnell[golygu]

  1. Emyn rhif 195, Llyfr Emynau y Methodistiaid Calfinaidd a Wesleaidd 1930