Yn awr, mewn gorfoleddus gân

← Wrth orsedd y Jehofa mawr

Yn awr, mewn gorfoleddus gân golygwyd gan Richard Phillips, Llanycil

Anturiaf, Arglwydd, yr awr hon

Mynegai Llyfr Emynau y Methodistiaid Calfinaidd a Wesleaidd 1930

22^[1] "Da y gwnaeth Ef bob peth."
M. H.

1 YN awr, mewn gorfoleddus gân,
Dyrchafaf glod i'm Harglwydd glân;
Ynghyda'i saint cydseinio wna':
Fy Iesu a wnaeth bob peth yn dda.

2 Trwy demtasiynau maith di-ri'
Bu'n gymorth cryf i'm henaid i;
Tra fyddwyf byw ei foli wna':
Fy Iesu a wnaeth bob peth yn dda.

3 Er gwgu arnaf uffern fawr,
Ynghyda drygau maith y llawr,
Digon i mi fydd gras fy Nuw:
Pob peth yn dda wnaeth Iesu gwiw.

4 A phan gyrhaeddaf uwch y nen
I blith cantorion nefoedd wen,
Uwch na seraffiaid seinio wna':
Fy Iesu a wnaeth bob peth yn dda.

—Casgliad Richard Phillips, Llanycil

Ffynhonnell

1. Emyn rhif 22, Llyfr Emynau y Methodistiaid Calfinaidd a Wesleaidd 1930