Caniadau'r Allt/Y Ffrwd

Oddi ar Wicidestun
Yr Enfys Caniadau'r Allt

gan Eliseus Williams (Eifion Wyn)

Iar Fach yr Haf


Y FFRWD.

Ffrwd fach loyw min y cae,
Mynd i'r môr ar frys y mae.

Mynd bob dydd tan ganu im,
Suo'r dail heb aros dim.

Mynd bob nos pan gysgaf fi,
Mynd heb oleu ar y lli.

Mynd yn gynt yn nhes yr ha,
Mynd i gyd bryd hynny wna.

Mynd am adre dros y cae
Cyn i'r rhew ei dal y mae.

Rhedaf innau gyda hi,
Am y cyntaf efo'i lli.

Nodiadau[golygu]