Cerddi'r Bwthyn/Gwylan Uwch Cae Gwenith
| ← Mur | Cerddi'r Bwthyn gan Dewi Emrys |
Ymffrost Brenin Braw |
GWYLAN UWCH CAE GWENITH.
GWYLAN deg, eilun y don,—hi a wêl
Fôr heulog yr awron.
Del y nawf cysgodlun hon
Ar ei wenyg claerwynion.
Ai si lleddf y tywys llaes—a'i hudodd
I fro'r cnydau hirllaes?
Morwyn y môr yn y maes
Yma'n hedfan mewn ydfaes!
Sudda'i hesgyll. Cais ddisgyn—ar wynllif
Arianlliw, troi wedyn;
Yna deall nad ewyn
Yw lledrith y gwenith gwyn.