Cofiant Hwfa Môn/Eisteddfod Bagillt

← Barddoniaeth

Cofiant Hwfa Môn gan Rowland Williams (Hwfa Môn) golygwyd gan William John Parry

Awdl Eisteddfod Bangor →

EISTEDDFOD BAGILLT,

GORPHENAF 23ain A'R 24ain 1889.

Torfoedd sydd heddyw yn tyrfu—yn min
Y mor, gan fflamychu,—
A chyrn crog, tyrog, bob tu,
Yn Magillt sydd yn mygu.

Eisteddfod Bagillt gyfodwn,—eilwaith
Y delyn chwareuwn,—
Ei brewyr a wobrwywn,—a gelltydd
Byw gu wyllt gaerydd Bagillt a garwn.

Yn siriol, o'i ffwrneis eirian,—yn boeth
I loni'r bardd truan,—
Yn aur têg, toni o'r tân,
Mae cerig, plwm, ac arian.

I Gallestr,^[1] cyd-ddawnsia llestri—y môr
Am eu heurog lwythi,—
Bagillt sydd yn bywiogi
Ar fin dwr yr afòn Dèe.

Gwen Handel yma welwn,—yn ei swydd,
Ein Mosart ganfyddwn,—
Y duwiau ddaeth, y dydd hwn,
I Bagillt, mi debygwn.

Yma Pari yw'r camp wron,—Pari
Sy'n puro'r alawon,—
Ceir cywreinder, tyner ton
Joseph o hyd yn gyson.

Y miloedd, heb lid, na malais,—yn awr
Yn nheml eu huchelgais,—
Fflamychant, llefant a'u llais,
Mawrlwydd i Eos Morlais.

Ar y Maen Cred ymdynghedwn—i gyd
Gadw draw bob Carsiwn,—
Y Maen hedd yw y Maen hwn
Ym Magillt a edmygwn.

Gwiw anturiwch gantorion,—ac hefyd.
Cofiwch oll yr awrhon—
Na chyll cathlau, tanau tôn
O Fagillt tra llif eigion.

Ym Magillt eto megir—y canwyr,
A'u hacenion hoffir,—
Peraidd gathlau clymau clir
Ar delyn hyfryd eilir.

Nodiadau

1. Y Fflint