Gwrid y Machlud/Straen Bywyd

Gwrid y Machlud

gan Richard Jones (Ap Alun Mabon)

STRAEN BYWYD

Heno mae byw yn straen ar wely'r claf
A staeniau gwaed ar fy ngobennydd gwyn,
I'm grudd mae lliw gwridocaf ros yr haf
A gwynder lili i'r gwefusau cryn:
Bu imi hafau aur yn ieuanc oed
A mil breuddwydion dros fy mywyd gwyn.
Pan dyngais lw addewid dan y coed
Y carwn di, anwylyd, yn fwy tynn.
Mi welais y modrwyau drwy dy wallt
Yn trosi yn yr awel dyner ffri,—
Melyn oedd aur y banadl ar yr allt—
Melynnach aur oedd yn dy dresi di:—
Tyrd, dyro'r lliain ar y gwely Gwenno,
Mae stacniau'r gwaed yn cochi'r glustog heno.

Nodiadau[golygu]