Iesu yw difyrrwch f'oes
| ← Gwyn a gwridog, hawddgar iawn | Iesu yw difyrrwch f'oes gan Peter Jones (Pedr Fardd) |
Cofia'r byd, O! Feddyg da → |
| Mynegai Llyfr Emynau y Methodistiaid Calfinaidd a Wesleaidd 1930 |
164[1]Iawn ac Eiriolaeth Crist.
74. 74. D.
1 IESU yw difyrrwch f'oes,
Yn fy mlinfyd;
Ac ymffrostiaf yn ei groes
Dros fy mywyd;
Dan ei gysgod, nos a dydd,
Gwnaf fy nhrigfa;
Fy nhŵr cadarn hefyd fydd :
Haleliwia.
2 Iesu a'i gyfiawnder Ef
Yw fy mywyd;
Fe'm cymhwysa i deyrnas nef
Trwy ei Ysbryd;
Golchir fi o'm pen i'm traed
Fel yr eira,
Trwy rinweddau dwyfol waed:
Haleliwia.
3 Mae fy Mhrynwr heddiw'n fyw,
Ac yn eiriol;
Sail eiriolaeth drosof yw
Iawn digonol;
Ei waith ynof yn y man
A berffeithia;
Gorfoleddaf yn fy rhan :
Haleliwia.
Peter Jones (Pedr Fardd)
Ffynhonnell
[golygu]- ↑ Emyn rhif 164, Llyfr Emynau y Methodistiaid Calfinaidd a Wesleaidd 1930