Mi ganaf tra fo anadl

← Cofia'r byd, O! Feddyg da

Mi ganaf tra fo anadl gan William Williams, Pantycelyn

Fyth, fyth, rhyfedda'i'r cariad →

Mynegai Llyfr Emynau y Methodistiaid Calfinaidd a Wesleaidd 1930

166^[1]Haeddiant mawr yr Aberth.
76. 76. D.

1 MI ganaf tra fo anadl
O fewn i'r ffroenau hyn,
Am gariad yn dïoddef
Ar ben Calfaria fryn;
Am goron ddrain blethedig,
Am hoelion garwa'u rhyw—
I gannu f'enaid euog
Fel eira gwynna'i liw.

2 Fe rwygwyd muriau cedyrn,
Fe dorrwyd dorau pres,
Oedd rhyngom ni a'r bywyd—
Mae'r bywyd heddiw'n nes ;
Palmantwyd yr holl lwybrau,
Mae'r pyrth o led y pen,
O ddyfnder dinas distryw
I eitha'r nefoedd wen.

3 Fe bery trugareddau'r
Cyfamod gwerthfawr drud,
Pan ddarffo'r grëadigaeth
Ddiderfyn oll i gyd;
Ni bydd ond dechrau gweled
Daioni mawr y ne'
Pan gollo haul a lleuad
A'r holl blanedau'u lle.

William Williams, Pantycelyn

Ffynhonnell

1. Emyn rhif 166, Llyfr Emynau y Methodistiaid Calfinaidd a Wesleaidd 1930