O! Dduw, ein nerth mewn oesoedd gynt

← Mewn cyfyngderau bydd yn Dduw

O! Dduw, ein nerth mewn oesoedd gynt gan Isaac Watts wedi'i gyfieithu gan William Owen Evans

O! Arglwydd, ein Iôr ni a'n nerth

Mynegai Llyfr Emynau y Methodistiaid Calfinaidd a Wesleaidd 1930

52^[1] Duw yn Nodded.
M. C.

1.O! DDUW, ein nerth mewn oesoedd gynt,
Ein gobaith wyt o hyd;
Ein lloches rhag ystormus wynt,
A'n bythol gartref clyd.

2.Dan gysgod dy orseddfainc Di
Cawn drigo'n dawel byth;
Digonol yw dy fraich i ni;
Fe'n ceidw yn ddi-lyth.

3.Cyn trefnu'r bryniau uwch y lli,
Cyn llunio llwch y byd,
O dragwyddoldeb Duw wyt Ti,
Parhei yr un o hyd.

4.Yn d'olwg Di daw oesoedd maith
Fel hwyrddydd byr i ben;
Fel gwyliadwriaeth nos mae'u taith,
Cyn codi haul y nen.

5.Mae prysur lwythau'n daear ni,
A'u llafur oll ynghyd,
Yn myned heibio gyda'r lli
I fôr tragwyddol fyd.

6.Dwg amser, fel llifeiriant cry',
Ei blant i gyd i lawr;
Ehedant ymaith fel y ffy
Y breuddwyd gyda'r wawr.

6.O! Dduw, ein nerth mewn oesoedd fu,
Ein gobaith am a ddaw,
Bydd inni yma'n noddfa gu,
A chartref bythol draw.

Isaac Watts, cyf. William Owen Evans

Ffynhonnell

1. Emyn rhif 52, Llyfr Emynau y Methodistiaid Calfinaidd a Wesleaidd 1930