O! Nefol addfwyn Oen

← Fy Iesu yw fy Nuw (2)

O! Nefol addfwyn Oen gan William Williams, Pantycelyn

Daeth Llywydd nef a llawr →

Mynegai Llyfr Emynau y Methodistiaid Calfinaidd a Wesleaidd 1930

159^[1]Enw'r Addfwyn Oen.
66. 66. 88.

1 O! NEFOL addfwyn Oen
Sy'n llawer gwell na'r byd,
A lluoedd maith y nef
Yn rhedeg arno'n bryd;
Dy ddawn a'th ras a'th gariad drud
Sy'n llanw'r nef, yn llanw'r byd.

2Noddfa pechadur trist,
Dan bob drylliedig friw
A phwys euogrwydd llym,
Yn unig yw fy Nuw;
Does enw i'w gael o dan y nef
Yn unig ond ei enw Ef.

3 Ymgrymed pawb i lawr
I enw'r addfwyn Oen;
Yr enw mwyaf mawr
Erioed a glywyd sôn:
Y clod, y mawl, y parch a'r bri
Fo byth i enw'n Harglwydd ni.

William Williams, Pantycelyn

Ffynhonnell

1. Emyn rhif 159, Llyfr Emynau y Methodistiaid Calfinaidd a Wesleaidd 1930