Trugaredd Duw i'n plith

← Sanctaidd, sanctaidd, sanctaidd, Dduw hollalluog

Trugaredd Duw i'n plith gan Edmwnd Prys

Molianned uchelderau'r nef

Mynegai Llyfr Emynau y Methodistiaid Calfinaidd a Wesleaidd 1930

Salm LXVII

2^[1] SALM LXVII
M. B. C.

1. TRUGAREDD Duw i'n plith,
A rhoed ei fendith drosom,
Tywynned byth ei ŵyneb-pryd,
A'i nawdd a'i iechyd arnom.

2. Duw, moled pobloedd Di,
Rhoent fawl a bri trwy'r hollfyd;
A'r holl genhedloedd is y nen
A fyddant lawen hyfryd.

3. Cans Ti a ferni'n iawn
Y bobl wy lawn wybodaeth,
Ac a roi'r holl genhedloedd ar
Y ddaear mewn llywodraeth.

4. Duw, moled pobloedd Di,
Rhoent fawl a bri trwy'r hollfyd,
Yna rhy'r tir ei ffrwyth i'n plith,
A Duw ei fendith hefyd.

5. A Duw, sef Duw ein Tad,
A roddo'i rad a thyciant,
A holl derfynau'r ddaear gron
A phawb ar hon a'i hofnant.

—Edmwnd Prys (1544—1623)

Ffynhonnell

1. Emyn rhif 2, Llyfr Emynau y Methodistiaid Calfinaidd a Wesleaidd 1930