Trwy ddirgel ffyrdd mae'r uchel Iôr

← Tydi, fy Arglwydd, yw fy rhan

Trwy ddirgel ffyrdd mae'r uchel Iôr gan William Cowper wedi'i gyfieithu gan Lewis Edwards

Mewn cyfyngderau bydd yn Dduw

Mynegai Llyfr Emynau y Methodistiaid Calfinaidd a Wesleaidd 1930

50^[1] Dirgelion Rhagluniaeth
M. C.

1.TRWY ddirgel ffyrdd mae'r uchel Iôr
Yn dwyn ei waith i ben;
Ei lwybrau Ef sydd yn y môr,
Marchoga wynt y nen.

2.Ynghudd mewn dwfn fwngloddiau pur
Doethineb wir ddi-wall,
Trysori mae fwriadau clir—
Cyflawnir hwy'n ddi-ball.

3.Y saint un niwed byth ni chânt,
Cymylau dua'r nen
Sy'n llawn trugaredd, glawio wnânt
Fendithion ar eu pen.

4.Na farna Dduw â'th reswm noeth,
Cred ei addewid rad;
Tu cefn i len rhagluniaeth ddoeth
Mae'n cuddio ŵyneb Tad.

5.Bwriadau dyfnion arfaeth gras
Ar fyr aeddfeda'n llawn:
Gall fod y blodau'n chwerw eu blas,
Ond melys fydd y grawn.

6.Ond gŵyro mae dychymyg dyn,
Heb gymorth dwyfol ffydd;
Gadawn i Dduw ei 'sbonio'i Hun—
Efe dry'r nos yn ddydd.

William Cowper, cyf. Lewis Edwards

Ffynhonnell

1. Emyn rhif 50, Llyfr Emynau y Methodistiaid Calfinaidd a Wesleaidd 1930