Pregetha gartref, a phan y bo ar daith,
I'r Cymry uniaith yn eu hanwyl iaith;
Mae'n wr o ddysg, yn deall llawer aeg,
Gofynnwn iddo ef ei feddwl am Gymraeg.
Ni fyn efe yspeilio'r Cymry hen
O'u hanwyl iaith: mae'n ateb gyda gwên:—
"Eich iaith, hen Gymry, denodd hi fy mryd;
Iaith wreiddiawl yw, parhaed tra pery'r byd.
'Eu iaith a gadwant,' medd Taliesin fardd,
'Eu Ner a folant: dywediadau hardd.
Dywedaf innau yn ol ei eiriau ef,
Ac arnoch Gymry, disgynned bendith nef.
Eu hiaith a gadwant, er Saesneg a phob aeg;
A'u Ner a folant yn yr iaith Gymraeg."
|
YMLADD CRESSI, A.D. 1346.
Cyflwynedig i WENYNEN GWENT.
I like the Lecke above all hearbes and flowers;
When first we wore the same, the field was ours;
The Leeke is white and greene, whereby is ment,
That Britaines are both stout and eminent;
Next to the Lion, and the Unicorne,
The Leeke's the fairest emblem that is worn.
HARLEIAN MSS.
Yn ymladd Cressi gwnaed gorchestion
Gan y Cymry, medd hanesion;
O'u blaen gan boethed yr ymladdfa
Y cwympodd Brenin gwlad Bohemia;
Ar ei helm y caed tair pluen
Mewn euraidd grib, â'r gair Ich Dien.
Cadwgan Foel, â chalon lawen,
Ac yn ei law grib tair pluen,
A gerddai at Dywysog Cymru,
Ar ol y frwydr, i'w anrhegu
|
