Gwirwyd y dudalen hon
gyda chymaint o rymuster ar wellt y stabl ag
a fedrai yr un cawr o yswain wedi gwin yn y
deyrnas ar ei wely manblu. Ar ol bod yn yr
"Eagles" am dymor lled dda, cafodd ddyrchafiad i yrru'r "Express" o Lanrwst i'r Cernioge Mawr, ger Cerrig y Drudion. Wedi
hynny cyflawnai swydd gyffelyb o'r Bull Inn,
Conwy. Treuliodd dipyn o flynyddoedd i
yrru cerbydau, ac yna, fel y mae yn naturiol
casglu, aeth i berthyn i Filisia Arfon. Dalier
mewn cof mai dyma adeg rhyfeloedd mawrion
Napoleon a Wellington. Wedi cael mynd yn
filwr rheolaidd, cawn ef yn Cape of Good
Hope, yn St. Helena, a pharthau o America
Ddeheuol.