Tudalen:Casgliad o ganeuon Cymru.pdf/33

I eiriau dirmygus, dyeithriol nid wyf,
Mi wn beth yw llymder gwatwariaeth;
Y mynyd diffygiwn dan loesion eu clwyf,
Y nesaf dro 'i oll yn ddieffaith;
Do, clywais hyawdledd-er teimlo ei rym,
Mewn effaith ni lyn ei rybuddion ;
Ond hyn gan dynerwch fyth erys yn llym,—
"Ti wyddost beth ddywed fy nghalon."

Mae yspryd yr oes megys chwyddiad y môr,
Yn chwareu a chreigiau peryglon;
O'm hamgylch mae dynion a wawdiant Dduw Ior,
Wyf finau ddyferyn o'r eigion ;
Fy nghamrau brysurant i ddinystr y ffol,
Ond tra ar y dibyn echryslon
Atelir fi yno gan lais o fy ôl, -
"Ti wyddost beth d lywed fy nghalon."

Pe gwelwn yn llosgi ar ddalen y nef,
Y tanllyd lyth'renau, "Na phecha ;"
Pe rhuai taranau pob oes yn un llef—
"Cyfreithiau dy Dduw na throsedda;"
Pe mellten arafai nes aros yn fflam,
I'm hatal ar ffordd annuwiolion,
Anrhaethol rymusach yw awgrym mam,—
"Ti wyddost beth ddywed fy nghalon."

Y JERUSALEM NEFOL.

(CEIRIOG.)

RWY'N llefain o'r anialwch
Am byrth fy ninas wiw,
Jerusalem fy nghartref,
Jerusalem fy Nuw.

Pa bryd y caiff fy llygad,
Pa bryd y caiff fy mhen,
Ymagor ac ymorphwys
Yn mro Caersalem wen.

Gad imi fara 'r bywyd,
Gad imi'r dyfroedd byw
Ar ddeheulaw fy Mhrynwr
Yn ninas wen fy Nuw.

'Rwyn 'n sefyll ac yn curo,
O agor ditbau 'th ddor,
Am Sabboth ac am deml
Jerusalem fy Ior.

'Rwy 'n trigo ar y ddaiar,
Gan edrych ar y wawr,
A dysgwyl am ddisgyniad
Jerusalem i lawr.

Er fod y nef yn gwgu
Ar ael y cwmwl draw,
'Rwy 'n credu, ac yn canu,
Jerusalem a ddaw.

Er dalled yw fy ngolwg,
Er trymed yw fy nghlyw,
Mi welaf mewn addewid
Jerusalem fy Nuw.

Mi welaf deml Sion
Mi glywaf Jubili;
Mi welaf ddinas sanctaidd,
Jerusalem yw hi