Dywaid fy ngeiriau dyfun,
Dewised fi, dos at y fun.
Bydda i hun, beiddia 'i hannerch,
Bydd fedrus wrth fwythus ferch.
A bydd, dywaid na byddaf,
Fwynwas coeth, fyw onis caf.
Ei charu 'rwyf, gwbl nwyf nawdd,
Och wŷr, erioed ni charawdd
Na Merddin chwenych fin iach,
Na Thaliesin ei thlysach.
Siprys dyn giprys dan gopr,
Rhagorbryd rhy gyweirbropr.
Och wylan, o chei weled
Grudd y ddyn lanaf o gred,
Oni chaf fwynaf annerch
Fy nihenydd fydd y ferch!"
