Prawfddarllenwyd y dudalen hon
Cânt etifeddu teyrnas Dduw
Ar ddelw hardd eu Prynwr byw.
Mor hawddgar fydd eu gwedd
O flaen yr orsedd fry,
A mynwes lawn o hedd,
Yn lân, ogonedd lu;
Mwynhant lawenydd pur dilyth
Yn Ngwynfa, na ddybena byth.
O, wynfydedig rai,
Annhraethawl fydd eu braint,
Heb bechod nac un bai,
I gyd yn berffaith saint;
Yn rhoi heb dawl ryglyddawl glod
I'r Gwr a'u carodd cyn eu bod.
GOFAL DUW AM Y SAINT
TYDI, O Arglwydd grasol, yw
Fy nghadarn Dduw a 'Ngheidwad;
Dy ofal mawr am danaf sydd
Bob nos a dydd yn wastad.
Ar wely'r nos, pan hunwyf fi,
Wrth d'archiad di, Iehofa,
Angylion nef fy ngwylio wnant,
Amgylchant fy ngorweddfa.
Y bore hefyd, pan ddeffro'f,
Yn anghof ni'm gollyngi,
Cyfranu 'rwyt bob mynyd awr
Dy roddion gwerthfawr imi.
