Cerdd Newydd, yn cwynfanu am William Jones, o Gerrig y
Drudion, yr hwn a foddodd wrth fynd o Gaernarfon i'r
Werddon,—gyda chysur i'w deufu i beidio ag wylo
at ei ol.
OCH alarnad ganiad gaeth,
Trom hiraeth yw hon,
Wrth gofio William Jones a'i wedd,
Un luniedd llon,—
Oedd fachgen heini wisgi wawr,—
Rwy'n llawn o gyni, aeth i lawr
I ddwr y môr ar dywydd mawr,
Nid yw 'fe mwy,—
Wrth fynd i'r Werddon, moddion maith,
O dre' Caernarfon, wiwlon waith,
Fe gafodd derfyn ar ei daith
Dan glo faith glwy.
Nid llai nac wylo ar ei ol,
Mae i bobol heb wad,
Am gael o'i burlan wedd
Run diwedd a'i dad;
Ei fam sy' i'w chofio yn ddi—gudd,
Och wael ei bron a chalon brudd,
Yn nawsio dŵr bob nôs a dydd.
A'i grudd dan gri;
I'w holl chwiorydd, cystudd caeth,
Meddyliau trymion, union aeth,
Am fyn'd o'i agwedd fwynedd faeth.
I lawrdraeth li.
Mae anian natur ynnom oll,—
Ein coll bob rhai,
|
