"Rinwedd y Ffynnon," "Y Wir Ffydd," "Newyddion Da," Gwacter y Byd," a llawer eraill. Ceir digon o brawf yn y llyfr hwn fod Dafydd William yn Galfin mawr o ran credo, a dichon mai Calfiniaeth y caneuon, ynghyda phrinder asbri farddonol, yw'r rheswm nad ydynt i'w cael heddyw ond mewn ychydig lyfrgelloedd. Profiad sy'n byw ac nid opiniwn; synnwyr calon sy'n anfarwol, ac nid synnwyr pen. Gwybodaeth pen Dafydd William sydd yn ei ganeuon, ac y mae oerni'r wybodaeth wedi lladd y mwyafrif ohonynt. Gwybodaeth ei galon sydd yn ei emynau, ac y mae gwres y wybodaeth wedi anfarwoli amryw ohonynt hwythau. Crefyddol ydyw'r caneuon i gyd, ac y mae rhai ohonynt yn dda, a'r gweddill yn gywir eu hamcan. Dyma dri pennill hoyw o ymgom rhwng "Silo a Seion":
Silo |
