Yr oedd yn fardd da, ac yn gryn feistr ar yr hen fesurau. Canodd bron yr holl Salmau yn y mesurau caethion. Ar ddiwedd y gwaith dywed iddo'i orffen yn 1595. "Gorffenwyd y gwaith hwn yn Scutum, Ynys yn yr India Orllewinol, y 24ain o Ionawr, yn y flwyddyn o oed Ein Hiachawdwr 1595." Eithr yn 1603, dair blynedd wedi marw'r awdur, yr argraffwyd ef, gan Simon Stafford, yn Llundain, tros Thomas Salsbri. Ail-argraffwyd y gwaith yn 1827 gan Robert Jones, Llanfair-Caer-Einion, tan olygiaeth Gwallter Mechain.
Gorchest anarferol fawr oedd y cyfieithiad hwn o waith Middleton, ac nid oes ddadl am deilyngdod ei amcan. Fel llawer o'r hen uchelwyr, carai'r Gymraeg a'i genedl â chariad mawr, ac aberthai lawer er eu lles. Eithr methodd â chyrraedd ei amcan oherwydd gormod sêl tros hen fesurau'r beirdd. Ni fu ei fydryddiad o'r Salmau, oblegid ei gaethter, o ddim budd fel cyfrwng mawl addolwyr. Wele'i gyfieithiad o'r salm gyntaf:
Gwynfyd o'i febyd gwinfaith |