i loywi ei eiriau a saernio'i frawddegau na chreu meddyliau ysbrydol mawr a godidog.
II. Bai amlwg arall ydyw camarfer ffigyrau.
Y mae profion pendant yng ngwaith yr emynydd mai diofalwch sy'n cyfrif am ymron holl feiau'r emynau, a phan gofir hyn anodd ydyw maddeu iddo.
Mae'n syndod i awdur o'i wybodaeth a'i ddiwylliant ef ollwng o'i law bethau mor anghyson a gwrthun â'r rhai a ganlyn:
Ti ffynnon bywyd beraidd, ddwys,
Arnat dy hun, 'rwyn rhoddi mhwys, etc.
Pwy erioed a feddyliodd am roddi'i bwys ar ffynnon?
Mewn emyn arall ceir ganddo graig ar bren:
Chwi, ffynonau bywiol, hyfryd,
Craig agorwyd ar y pren, etc.
Daearol o'r ddaear, a llawer o raib y bwystfil ynddo, ydyw'r cyntaf o'i Emynau Sacramentaidd:
Rhyfeddol yw effeithiol rin
Y moddion pwyntiaist Ti dy hun;
Dy gnawd yw bara'r bywyd pur,
O'th glwyfau tardd y ddiod glir.
Mae syched ynof, Arglwydd mawr,
Am brofi'r gloyw win i lawr;
Ac i mi gael chwanegu' ngrym,
Trwy fod dy gnawd yn ymborth im.[1]
- ↑ Condemniwyd yr emynydd am y defnydd a wnai o'r gair tegan yn ei emynau,Mi wneuthym degan gynt o'r byd,
I gael arogli hwn o hyd, etc.Fy nhegan mwy fydd Iesu gwiw,
Aroglaf Ef tra byddwyf byw, etc.Golygai'r gair tegan, yn Sir Gaerfyrddin, yn nyddiau'r awdur, flodeuglwm, ac i'w gyfoeswyr yn y Sir honno, yr oedd y defnydd a wnai ef ohono'n un priodol.
