Prawfddarllenwyd y dudalen hon
fi yw e, Dai Bach, Nantmaden. "Shwd y'ch chi? Fe geso'i llythyr chi, a ma' dishgwl'ad mawr am danoch chi ym Mhenderyn. Ewch yn ol cyn gynted ag y galloch."
Yna cyflwynwyd Marged i'r pregethwr, a mawr oedd yr afiaith ar eu mynd gyda'i gilydd i'r Green Dragon am ychydig o luniaeth.
"Ma' unpeth yn lwcus iawn," ebe'r pregethwr, "Fe fydd Mr. Morgan, Nantmaden, yma yfory, ac yr o'wn i i ddychwelyd gydag ef yno.
Ond rhaid i fi fynd ymla'n i Drefeca. Felny fe gewch chi'ch dou eich cario adre yn'm lle i. Fe fydd yno roesaw tywysog ichi yn Nantmaden, credwch ch'i fi."
