17 ¶ Ac ar yr ail ddydd yr offrymmwch ddeuddeng mustach ieuaingc, dau hwrdd, pedwar ar ddeg o ŵyn blwyddiaid, perffeith-gwbl.
18 A’u bwyd-offrwm, a’u dïod-offrwm, gyd â’r bustych, gyd â’r hyrddod, a chyd â’r ŵyn, fydd yn ol eu rhifedi, wrth y ddefod:
19 Ac un bwch geifr, yn bech-aberth; heb law y poeth-offrwm gwastadol, a’i fwyd-offrwm a’u dïod-offrymmau.
20 ¶ Ac ar y trydydd dydd, un bustach ar ddeg, dau hwrdd, pedwar ar ddeg o ŵyn blwyddiaid, perffeith-gwbl:
21 A’u bwyd-offrwm, a’u dïod-offrwm, gyd â’r bustych, gyd â’r hyrddod, a ehyd â’r ŵyn, fydd yn ol eu rhifedi, wrth y ddefod:
22 Ac un bwch geifr yn bech-aberth; heb law y poeth-offrwm gwastadol, a’i fwyd-offrwm, a’i ddïod-offrwm.
23 ¶ Ac ar y pedwerydd dydd, deng mustach, dau hwrdd, pedwar ar ddeg o ŵyn blwyddiaid, perffeith-gwbl:
24 Eu bwyd-offrwm, a’u dïod-offrwm, gyd â’r bustych, gyd â’r hyrddod, a chyd â’r ŵyn, fydd yn ol eu rhifedi, wrth y ddefod:
25 Ac un bwch geifr yn bech-aberth; heb law y poeth-offrwm gwastadol, ei fwyd-offrwm, a’i ddïod-offrwm.
26 ¶ Ac ar y pummed dydd, naw bustach, dau hwrdd, pedwar ar ddeg o ŵyn blwyddiaid, perffeith-gwbl.
27 A’u bwyd-offrwm, a’u dïod-offrwm, gyd â’r bustych, gyd â’r hyrddod, a chyd â’r ŵyn, fydd yn ol eu rhifedi, wrth y ddefod;
28 Ac un bwch yn bech-aberth; heb law y poeth-offrwm gwastadol, a’i fwyd-offrwm, a’i ddïod-offrwm.
29 ¶ Ac ar y chweched dydd, wyth o fustych, dau hwrdd, pedwar ar ddeg o ŵyn blwyddiaid, perffeith-gwbl.
30 A’u bwyd-offrwm, a’u dïod-offrwm, gyd â’r bustych, gyd â’r hyrddod, a chyd â’r ŵyn, fydd yn ol eu rhifedi, wrth y ddefod:
31 Ac un bwch yn bech-aberth; heb law y poeth-offrwm gwastadol, ei fwyd-offrwm, a’i ddïod-offrwm.
32 ¶ Ac ar y seithfed dydd, saith o fustych, dau hwrdd, pedwar ar ddeg o ŵyn blwyddiaid, perffeith-gwbl.
33 A’u bwyd-offrwm, a’u dïod-offrwm, gyd â’r bustych, gyd â’r hyrddod, a chyd â’r ŵyn, fydd yn ol eu rhifedi, wrth eu defod:
34 Ac un bwch yn bech-aberth; heb law y poeth-offrwm gwastadol, ei fwyd-offrwm, a’i ddïod-offrwm.
35 ¶ Ar yr wythfed dydd, uchel wyl fydd i chwi: dim caeth-waith nis gwnewch ynddo.
36 Ond offrymmwch offrwm poeth-aberth tanllyd, o arogl peraidd i’r Arglwydd; un bustach, un hwrdd, saith o ŵyn blwyddiaid, perffeith-gwbl.
37 Eu bwyd-offrwm, a’u dïod-offrwm, gyd â’r bustach, a chyd â’r hwrdd, a chyd â’r ŵyn, fydd yn ol eu rhifedi, wrth y ddefod:
38 Ac un bwch yn bech-aberth: heb law y poeth-offrwm gwastadol, ei fwyd-offrwm, a’i ddïod-offrwm.
39 Hyn a wnewch i’r Arglwydd ar eich gwyliau; heb law eich addunedau, a’ch offrymmau gwirfodd, gyd â’ch offrymmau poeth, a’ch offrymmau bwyd, a’ch offrymmau dïod, a’ch offrymmau hedd.
40 A dywedodd Moses wrth feibion Israel yn ol yr hyn oll a orchymynasai yr Arglwydd wrth Moses.
Pennod XXX.
1 Na ellir torri addunedau: 3 ond adduned morwyn ieuangc, 6 gwraig ŵriog, 9 gwraig weddw, a’r ysgaredig.
A llefarodd Moses wrth bennaethiaid llwythau meibion Israel, gan ddywedyd, Dyma y peth a orchymynodd yr Arglwydd.
2 Os adduneda gwr adduned i’r Arglwydd, neu dyngu llw, gan rwymo rhwymedigaeth ar ei enaid ei hun; na haloged ei air: gwnaed yn ol yr hyn oll a ddêl allan o’i enau.
3 Ac os adduneda benyw adduned i’r Arglwydd, a’i rhwymo ei hun â rhwymedigaeth yn nhŷ ei thad, yn ei hieuengctid;
4 A chlywed o’i thad ei hadduned, a’i rhwymedigaeth yr hwn a rwymodd hi ar ei henaid, a thewi o’i thad wrthi: yna safed ei holl addunedau; a phob rhwymedigaeth a rwymodd hi ar ei henaid, a saif.
5 Ond os ei thad a bâr iddi dorri, ar y dydd y clywo efe; o’i holl addunedau, a’i rhwymedigaethau y rhai a rwymodd hi ar ei henaid, ni saif un: a maddeu yr Arglwydd iddi, o achos mai ei thad a barodd iddi dorri.
6 Ac os hi oedd yn eiddo gwr, pan addunedodd, neu pan lefarodd o’i gwefusau beth a rwymo ei henaid hi;
7 A chlywed o’i gwr, a thewi wrthi
